Chegado o Nadal son moitos os agasallos que repartimos entre familia e amigos, e que hai que mellor que algo feito polas túas propias mans?

Agora, a A. C. Tangaraño ofréceche a posibilidade de asistir o curso de cestería que se celebrará o vindeiro sábado 22, das 11h ás 13h, no local de ensaio de Sanguiñeda.

Foto feita por LuisGerard

Xa está dispoñible a lotería para o sorteo de Nadal, o número elixido este ano é o 63.049. As participacións son de 5 euros e non teñen recargo. Xa vai quedando menos para o sorteo, así que se aínda non a mercastes, bulide, que cando se acaban veñen as lamentacións.

Un ano máis, aínda que esta vez con retraso, a A. C. Tangaraño realizará a súa tradicional Comida do socio o vindeiro Domingo 28, no lugar de ensaio dos sábados, a AA. VV. de Sanguiñeda.

O xantar comezará aproximadamente ás 14:30, aínda que agradeceriamos que veñades antes para botar unha man a xente que estará, dende primeria hora da mañá, traballando para que todos desfrutemos deste xantar.

Como o prato forte deste ano é o cocido, debedes levar os vosos cubertos e pratos, xa que vai ser complicado comelo cos habituais de plástico.

O vindeiro sábado 15, a A.C. Tangaraño actuará na Praza Maior de Guadalaxara, xunto aos grupos locais Wad All Hayara e Palacio de la Cotilla, como parte das actividades culturais organizadas polo concello de Guadalaxara co gallo das Ferias y Fiestas 2007.

Foto da Praza Maior de Guadalaxara, autor Tirengarfio

Visualizar o mapa ampliado

Como podedes ver na parte dereita da páxina, xa están dispoñibles algunhas fotos do noso grupo. Polo de agora vai devagar, pero pouco a pouco iremos pondo máis. Para velas só tedes que premer sobre calquera das fotos que aparecen na dereita da pantalla, dentro dun cadro titulado Galería.

Podedes colaborar enviándonos as que teñades vós o noso enderezo electrónico, ou levándoas o ensaio.